Əziz dostlar!
Bakı Araşdırmalar İnstitutu sizi 30.09.2021 tarixi, saat 18.00-də ¨Əxlaq nədir?¨ mövzusunda online təqdimata və müzakirəyə dəvət edir. Təqdimat əxlaq fəlsəfəsinə giriş xarakterli məruzə formatında olacaq. Birinci hissədə əxlaq anlayışı nədir, adi əxlaqi görüşlər və əxlaq fəlsəfəsi arasında fərq nədir, əxlaq fəlsəfəsi ümumiyyətlə nə üçün lazımdır, əsas etik nəzəriyyələr hansılardır sualları ətrafında danışılacaq. İkinci hissədə əxlaq və bilik arasında əlaqə nədir, əxlaq haqqında bilik mümkündürmü, əxlaqi biliyin xüsusiliyi nədər ibarətdir, əxlaq epistemologiyasında əsas istiqamətlər hansılardır və s. suallarına müraciət edəcəyik.
Məruzəçilər:
Anar Cəfərov, Tinay Muşdiyeva
Təqdimat zoom platforması üzərindən olacaq və BRI-ın facebook səhifəsidən canlı yayınlanacaq. Bizə qoşulun, sizi maraqlandıran sualları və şərhlərinizi bizə göndərin.
Hörmətlə,
BRI komandası
